هونيك بعدو بيتنا:محكية للشاعر محمود علي من سوريا
/هونيك بعدو بيتنا/
صرلك عمر ما شفتني
ولا شفتك من زمان
ما تميل زياره
عالبيت ل عنا
البيت ال كنت ب تحبو
وتوهت عن دربو
بعدو ياخايب مطرحو
وبعدو متل ماكان
وماعير العنوان
وبعدو الهوى عم يلفحو
ومسيج ب ريحان
هونيك بعدو بيتنا.هونيك
حد المصطبه
ال كنا عليها نختلي
ويتجمعوا الصبيان
وبعدو متل ماكان
هونيك بعدو بيتنا
قبل القمر ب شوي
قرب نبع المي
فوق هاك التل
ع مشارف الوديان
ماعاد بدك تذكرو
أو خانك النسيان
هونيك بعدو بيتنا
وبعدو متل ماكان
وما اتغير العنوان
تعليقات
إرسال تعليق