حلم:محكي للشاعر سليمان ابو لطفي وسوف من سوريا

. حلم حلمت عملت يم السما مشوار يامين منكم هل حلم فسر ماهمني قديش في اخطار لقيت القمر بالغيم متستر ساعه بيعطي اسطع الانوار ومره بيطل مسودن معكر مدري بشهر نيسان او ايار والورد فايح عطر ومكتر لما عليه تركزوا الانظار لقيت القمر مخمور عم يسكر تلفت عليي سأل شو الاخبار جايي لعنا اليوم و مبكر تارك ربيع الارض والازهار والجو رايق تحت ومعطر لا ورود عنا هون لا امطار ولا في صبايا لابسه احمر كانوا بحدي نجمتين صغار وحدي تنام التانيه تسهر الغيم عامل بيننا اسوار وقلي لوحدك عيش وتعتر هون وقفت متلبك ومحتار عليي القمر معقول يتمسخر كش فيي الوجه عني دار قلي اذا ما رجعت رح تخسر ياقمر فينا ماعرفت شو صار صار الكفر بالارض متجذر ياقمر عنا المارد الجبار لابس تياب الطهر متستر الحاجه بتحرق متل جمرالنار والناس علي مضى بتتحسر الفقر عم وجنت الاسعار علينا الحصار من الامم اثر يمكن حسبنا ربنا كفار صرنا بابشع حال شو مفكر من الهم واحدنا حمل قنطار باب الامل والفرج عم يصغر وصل لربك من البشر انذار ماعاد عنا مقدره نصبر ايماننا من الظلم يمكن طار اكتر صبر من هيك ما منقدر قلو ع شعبك لطف الاقدار ولا يسامحنا اذا منكفر من ديواني مشي معي سليمان ابو لطفي وسوف