ارضينا بالهم والهم مارضي فينا:محكي للشاعر مازن برهان قاسم من سوريا

** رضينا بالهم والهم ما رضي فينا! !!! حلِّك ترتاحي يا هموم III وتعيفي قلبي المـكلـوم وتتخلي عني ســـاعة III وتنسي أيامي شي يوم صرتي رفيقـة أوقاتي III وكل دقـيـقـة بحـيــاتي تعـبـتْ مـنّـك آهـاتــي III وملّت سـهراتي النجوم بهـرب منهـا بتلحقـني III بقـبل فيهـا بتحـرقـنـي عـلقتٔ و الله عـلقنني III وفيني محتار المقسوم متمنّي لحـظـة أرتـاح III وبإيدي يكون المفـتـاح هجرتني كل الأفـراح III حتى من البسمة محروم أيـامي بتشـبه بعـضـا III بألـوانـا وطٍولا وعـرضا لمّا بطنّش ما بترضى III بتصـحّـيـنـي بعـزّ الـنوم قلبي للضحكة مشتاق III ونـومي للـراحة تـواق هالعيشة ماعاد تنطاق III هم وغم وحزن ولـوم افـرجها ويسرها يارب III وهوّن علينا كل صعب دقنا الويلات بهالحرب III وبعدا المصايب بتحوم مـا خـفـت ولا مـــرة III من داعش أو الـنصـرة يلـلي مخو فـني بكرة III تـاجـر بالتخمـة مغروم أو قاضي خالي التفكير III ما عندو ذمة وضمير عا قـلـبي يزيـد التعتير III ويقلي امرك محسوم أو شـرطـي أو محـامـي III عـم يتسـلـى بـآلامـي ومـا تسـعـفني أحـلامي III وهالحالة بحياتي تدوم شو بدي من همومي عدّ II وكيف بدي ضرباتا صدّ كل ما عـم ارخي بتشـدْ III وبتقلي وضعك مأزوم الله يتلـطّـف فـينٍـا III ومـن هالـورطة ينجينٍا وتـتحـقــق أمــانـيـنــا IlI وما يبقى واحد مظلوم