جوقة زجل:محكي للشاعر محمد عزو حرفوش من سوريا

جوقة زّجل. محلاها حروب الشعّار الردّي تقابلها الردّي تنهل من بحر الأفكار يلّي مواجو محتدّي تملا السهرة بالأنوار لون شفافا ماوردي بيناتن شعلاني النار وهنن ع فرد مخدّي. كل واحد بايدو دف بيهزّو بصابيع الكف ع المنبر جلستهم رف وكلمن عامل أفندي. كل ردّي بْ أولها أوف بتسمعها كل الصفوف حتى لوبيكونوا ألوف هيك أصول التحدّي. زجّال يباري زجّال معنّى وقرّادي وموّال بحروف تساوي زلزال بْ يظهر كأنّو جدّي. بالآخر صلحة بتصير شكر وتحية وتقدير بيعتذروا عن التقصير وبيضبوا شناتي العدّي. .. محمد عزو حرفوش.