عريضة:محكي للشاعر احمد دلول من سوريا

عريضه لما الهي قسم الاعمار الكلب اعترض وقدم عريضه حمار دخلك ياربي هيك قال الكلب مين متلي بالوفا والحب ناطر شي عظمه بلا لحم تنكب ومربوط بالجنزير خلف الدار نص عمري اعطيه للانسان عشرين عام كتير ياديان صيف وشتي عم ازعج الجيران وبنبح لو انو طير فوقي طار هادي العريضه موقعه باسم الحمير وانسان جاحد عامل علينا امير راكب عامتني واﻻكل تبن وشعير وضرب بعصا وحامل ع ضهري حجار خود من العشرين عشره للبشر ومتلي على اﻻذلال ماواحد صبر لاتلوم جحش ان كان بربو كفر جوع وعطش والعمل ليل نهار العشرين زادوا والعمر خمسين قوه وشباب وعزم ما بيلين ولما العمر يوصل الستين عتال صرت تصيح ياستار سبعين عمري صار باجدو وبنده باعلى صوت ما يردو عايش حزين بغرفتو وحدو وصاروا يقولو عاجز وختيار العمر يابني بالوفا ينقاس لاحمار ينهق ولاكلب حراس كون شمعه تحترق للناس او نبع دافق يرفد الانهار العمر لحظه والزمن دولاب متلك كنت وبعدو الشعر ماشاب والي ما عندو كبير يااحباب ياخد حكم من جدنا والجار