أمنية للعام الجديد:محكي للشاعر احمد دلول من سوريا

امنيه للعام الجديد فقر وكفر وخوف وجوع وحالتنا صارت حالي بالشهر مناكل اسبوع والباقي كلو نخالي رح اعمل اكبر مشروع وجيب عمامي وخوالي لنلم صرامي وفروع ان كان باقي ب لزبالي شحوار ودخنه ودموع وبرد يقطع اوصالي ماعرفت الكوع من البوع وصفا يسلت شروالي من الريحه راسي مصروع والدوا صفا غالي قرر يهجرني الجربوع وبيتي من المونه خالي والفاره قلبا مقطوع صارت تهرب من خيالي ظنتني هر ومصروع من جسمي الصاير بالي ببلادي الصادق مقموع واللص بمالو يغالي بيقولو راسك مرفوع ونجمك بالعتم يلالي رح نرقص ونهز ضلوع بزمر وعرس وطبالي يابلادي خيرك ينبوع خلي شعبك بالعالي ان رديتو رح ضوي شموع بلحظه ترجع امالي