لطفك يارب:محكي للشاعر مازن برهان قاسم من سوريا
** لطفك يا رب
الغيبة طالت هالمرة .. واشتاق القلب
يتصبـح فيكي بكـرة .. تا يرجـع شب
**
لعيونك ونظراااااااتك .. عمري مشتاق
ولحروفـك وكلمااااتك .. حنّو الأوراااق
عم أتذكر بسمااااااتك .. قبل الفراااااق
واتحسّر عاخطوااتك .. أنا وهالدرررب
**
الماضي حكاية حميمة .. بترد الـرووح
مضمون ومعنى وقيمة .. كتابو مفـتـوح
بها الاياااااااام اللئيمة .. اللي بدو يبوح
بيترحم عااااااا حليمة .. وبيووقع طب
**
يا محلا أماااااااااانينا .. أياااااام زمان
والفرحة بأغااااااانينا .. بكل الألحاااان
هلق ياااحسـرة عـلينا .. غاب الأماااان
الحاضر شوّه ماضينا .. لطفك ياااارب
** **
راح قضي عمري ناطر .. حتى الأيام
تعيد الماضي بالحاضر .. لو بالأحلام
قلبي العااااشق مو قادر .. ينسى وينام
ومفكّر حاااالو شااااطر .. أو بعدو شب
تعليقات
إرسال تعليق